3 Pund Quallmänner
250 Jramm geräuchte, jot durchwaaße Speckwürfel
Zwei kleinjehack Öllich
En veedel Tass Wasser
Ene achtel Liter Wießwingessich
Ene halve Teelöffel Salz
Ene veedel Teelöffel schwatze Peffer
Jet Zuppejröns
De Ädäppele koche und de Quallmänner pelle, dann en fing Schieve schnigge. Zojedeck wärm stelle. Dä Speck en ener jrößere Pann brung un knusperich brode un op Köchepapier afdröppe loße. En däm üvverich jeblevve Fett en der Pann de Öllich unger Röhre dünste. Wasser, Essig, Salz un Peffer dobeidun un koot opkoche loße. Die Mischung üvver de Ädäppele jeeße und vermenge.
Jetz noch dä Speck un dat fresch jehack Zuppejröns drungermische un afschmecke.
***
Hät mer Ädäppele un Brut, dann hät mer noch kein Nut!
Üvvrijens: Ädäppel, die jo us Südamerika kumme, jitt et en Kölle eesch zick dem Johr 1740