E Pund jedrüchte Ähze
Anderthalf bes zwei Liter Wasser
E jesalze Hämmche,
Vier jroße Ädäppele
Zwei Murre
En Stang Lauch
E Bund Zuppejröns
50 Jramm jewürfelte Speck
En deck jewürfelt Öllich
Vier Schieve Wießbrut un Majarin
E Prisje Knoblauch
Üvver Naach enjeweichte Ähze met dem Hämmche un däm Prisje Knoblauch ein bes anderthalf Stund koche. Dann de Ädäppele un et Zuppejröns dobeidun.
Noh ner half Stund et Hämmche erusnemme un kleinschnigge. Dä Speck usbrode un dat Öllich dobeijevve, alles op de Zupp schödde un met Salz afschmecke.
Brutschieve en klein Bröckelcher schnigge un en der Majarin brode.
***
Wer Ähze iß, kütt an et Kühme!