Vier Pund decke Bunne
Bunnekruck
E Pund jeräuchte durchwaaße Speck
E Stöckelche fette Speck
Salz
En Öllich
Zwei Eßlöffel Mähl
Ädäppele
De Bunne uskeene. Dä jeräuchte Speck en Stund en jet Wasser koche. De Bunne dobeidun un weichkoche. Zweschedurch afschödde, domet se nit brung wäde. Dä fette Speck usbrode und dat Öllich dobeidun. Mähl drüvver röhre, bes et jäl weed. Vun der Speckbröh jet dropjeeße un de Zaus koche.
Met Salz afschmecke, et Bunnekruck drungerröhre un trecke loße.
Dä jeräuchte Speck en Schieve schnigge. Jode neue Ädäppele koche, en Botter schwenke un dobeidun.
***
Decke Bunne heiße och Saubunne