Vier Hämmcher
Anderthalf Pund soore Kappes
E Stöckelche fette Speck
En Pris Zucker
De Hämmcher en kochend Salzwasser dun un hösch ein bes anderthalf Stund (je noh Jröße) köchele loße. Dä soore Kappes, wann hä ärch salzig es, jot uswäsche. Dä klein jeschneddene fette Speck em Kesselche usbrode loße. Dann dä Kappes dropjevve, met jet Hämmchesbröh anschödde un weichkoche loße. Zom Schluss met ener Pris Zucker afschmecke. Wann et zo flutschich es, deit mer ene rühe jerevvene Ädäppele drunger. Dozo jitt et Puree us mählije Ädäppele.
***
Ming Eldere han immer em Hervs e Döppe voll Soore Kappes jemaat un en de Keller jestallt.