Zwei Pund mählije Ädäppele
Zucker, Salz
E Stöckelche Botter
Zwei Pund Äppele
E Pund jewöhnlije Blotwoosch (Flönz)
Öl
Zwei decke Öllich.
Ädäppele met Salz koche un zo Purre stampe. Tirek dat Stöckelche Botter drungerröhre. Tirektemang de Äppel en Zucker koche un jenausu stampe. En dä Zick de Flönz en decke Stöcke schnigge un met dä zwei op Ring jeschneddene Öllich em heiße Öl kroß brode. De jestampte Ädäppele un Äppel jot durcheneinmenge un afschmecke. De jebrode Blotwoosch op dat Janze läje.
***
Ich möch he noch ens sage, dat Blotwoosch un Flönz nit datselve es:
Blotwoosch es en Woosch, die met Ferkesblot und jode Speckstöcke jemaat es. Flönz, ov wie et fröher hieß, jewöhnlije Blotwoosch, weed us Ferkesblot un Woosch- un Fleischaffäll jemaat.