Drei Hirringsfilets
Ne Reß vum Sonndachsbrode
Drei jekochte Quallmänner
En decke soore Jurk
E klein Hängche voll Walnöß
E klein Portiönche rude Beete
Vier Löffel Majones
De janze Zotate en klein Würfelcher schnigge, de Majones un jet Bröh vun de rude Beete en nem Döppe jot verröhre un hösch met dä andere Zotate menge.
De Naach üvver köhl stonloße, domet dä Hirringsschlot jot durchtrick.
***
Et jitt Minsche, die sin us wie ne afjeleckte Hirring.