Kölsche Pann

E Pund Ferkesbrode (Ferkesbuch)
E Pund Birre
Zwei Pund Ädäppele
300 Jramm Botter
Kümmel
Salz
Peffer
Ne halve Liter Fleischbröh

Dä Ferkesbuch en Striefe schnigge. De Ädäppele un de Birre schelle un veedele. Alles en en Oplaufform jevve.
Met unjefähr nem halve Liter Fleischbröh opfölle, jet Salz un Peffer dobeidun.
Noh Jeschmack met Kümmel bestreue. Em vörjeheizte Backovve bei 180 Jrad 60-80 Minutte backe.
Noh der Hälfte der Backzick Botterflöckche dropsetze.

***

De Franzuse solle dat Rezepp während der Napoleonzick metjebraat han. Deswäje heiß et och Franzusepann. Fröher kunnt mer et en jeder Weetschaff krijje. Hück kennt et kaum noch einer.