Kölsche Pizza

Rievkochedeich, wie em Rezepp „Rievkoche“
Zwei ov drei Tomate
Drei Schieve jekochte Schinke
150 Jramm Kies

Dä Rievkochedeich wie em Rievkoche-Rezepp mache.
De Tomate en Schieve schnigge. De Schinke en Striefe schnigge. Der Kies rieve.
De Rievkoche dubbelt esu jroß un jet decker mache wie normal.
Wenn se fädich sin, de Rievkoche us der Pann nemme un op e Backblech läje. Met Tomatenschieve un Schinkestriefe beläje, dann der Kies drüvverstreue. Em vörjeheizte Backovve bei 200 Jrad unjefähr 10 bes 15 Minutte backe. Je nohdäm, wie mer et maach, kann mer de kölsche Pizza och noch met andere Sache beläje.

***

Wann mer sich nit entscheide kann, ov mer ne Italiener ov ne Kölsche es, es dat et Richtije.