Drei bes vier Pund Kühl (noh dem eechte Froß)
En jroße Öllich
Noch ens ein bes anderhalf Pund Öllich
Öl
300 Jramm Schmalz ov Jänsefett
Dä Kühl vun de Rebbe afsträufe un jot wäsche. Dann en ne Kessel met kochendem Wasser dun un e paarmol opwalle loße. Afschödde un dä Kühl en fing Striefjer schnigge. Dat decke jeschneddene Öllich met däm Fett en enem Kasteröllche usbrode un dä Kühl dropjevve. Ein bes anderthalf Stund op kleinem Für köchele loße un donoh met Salz afschmecke. En der Pann dat andere, och en Schieve jeschneddene Öllich brode loße un en nem extra Kümpche zom Jemös jevve.
***
Kühl un Brotwoosch stopp der Hunger un lesch der Doosch!