Linsezupp

E Pund Linse

Vier Ädäppele

E Pund durchwaaße Speck

E Bündche Zuppejröns

E Stöckelche fette Speck

En jroße Öllich

Jet Mähl

Salz

Essich

 

De Linse wäsche un en zwei Liter Wasser üvver Naach enweiche. Am nökste Dach met Salz un däm Stöckelche Speck opsetze un anderhalf Stund koche. Dann die op Stöckelche jeschneddene Ädäppele un dat jeputzte un jewäschene Zuppejröns dobeidun un alles noch ens en half Stund köchele. Der Speck usloße un dat Öllich en Stöckche schnigge un em Speckfett brung wäde loße. Es de Zupp zo flüssich, en dat Speckfett jet Mähl jevve un de Zupp domet andecke. Am Eng met jet Salz un Essich afschmecke.

***

Ähze , Bunne , Linse, wie mer se koch, su sin se!