Aach Pund Miesmuschele
E half Liter Wießwing
En halve Sellerieknoll
Zwei Murre, vier Öllich
Ne Knoblauchzieh
Zwei Lorbeerblädder
Ne Teelöffel schwatze Peffer un ne Teelöffel Salz
De Muschele e paar Stund en Wasser läje. Die, die op sin, muß, mer fottschmieße, die sin schläch. Die andere unger fleeßendem Wasser jründlich böschte und die Bärtcher, die eruslore, met enem Metz afschnigge. Den Wießwing en ene jroße Pott schödde. Sellerie, Murre, Öllich un Knoblauch fing wörfele un met däm Lorbeerblatt, däm Peffer un däm Salz en der Wing dun. Dat Janze opkoche un de Muschele erendun. fünnef bes zehn Minutte jare, bes de Schale opjejange sin. All die Muschele, die noch zo sin, uszortiere, die sin och nit jot, die kann mer nit esse. Die jode met der Zaus op Zuppetellere serviere. Dozo jitt et Schwatzbrut met Botter.
***
Muschele heiß och leis un heimlich met einem schwade.