Drei Pund mählije Ädäppele
Drei Öllich
Drei Teelöffelche Salz
Drei Eier
Sechs bes aach Eßlöffel Mähl
De Ädäppele schelle un op ener Riev ov en der Müll met däm Öllich rieve. Alles en en Seih jevve un dat Ädäppelswasser aflaufe loße, ävver dat Ädäppelsmähl opfange un met däm Deich en en Schössel jevve. Dann de Eier met jet Salz dobeidun un jot ungerenandermenge (bes jetz wie de Rievkoche). En enem jroße müjjelichs ieserne Kessel om Häd dat Öl heiß wäde loße, der Deich enfölle un dann bei jroßer Hetz em Backovve zwei bes zweienhalf Stund backe loße. Dä Puttes weed heiß us dem Ovve jejesse met ener Tass Kaffe un ener Schnett Schwatzbrut.
***
Dreck schort der Mage un reinich der Puttes!
Eijentlich heiß dat Jerech „Döppekoche“, do bei Puttes och Woosch dobei es. Weil nämlich „Puttes“ op Huhdütsch „Darm“ heiß.