(För 12 klein Rievkoche)
E Pund mählije Ädäppele
Ein Ei
E Teelöffelche Salz
Jet Mähl
En Öllich
Jet Muskat
Öl zom backe
De Ädäppele schelle un wäsche. De Ädäppele un dä geschelte Öllich dann met ener Riev ov ner Müll fing rieve. Alles en en Seih dun un et Ädäppelswasser aflaufe loße, ävver et Ädäppelsmähl opfange un bei die Ädäppele dun. Ei, Mähl, Salz, jerevvene Ädäppele un Öllich zo nem Deich vermenge. Öl en der Pann jot heiß wäde loße un met enem Löffel klein Köchelcher en de Pann dun un plattdröcke, ävver nit decker wie ne halve Zentimeter. Se müsse och e besje vum Öl bedeck sin.
Wann die Rievkoche unge brung sin muß mer se erömdrihe.
Esse kann mer se ohne jet ov met ner Schiev Schwatzbrut met Botter ov Appelkumpott.
Mer kann se och met noch met Röbekruck beschmiere.
***
Mer kann och met enem Rievkoche Wind maache!