Zwei Pund Rindfleisch ov Pädsfleisch
Ne veedel Liter Essich
Ne halve Liter Wasser
Salz
Peffer
Zucker
Öllich
E Lorbeerblatt
Nelke
Drei Eßlöffel Rusinge
Mähl
Röbekruck
Et Fleisch nit winnijer als drei Dach en der Essich zosamme met Wasser, Salz, Peffer, Öllich, däm Lorbeerblatt un de Nelke enläje. Dann erusnemme, afdrüjje un en ne Pott met heißem Fett dun. Vun alle Sigge jot anbrode un vun der Essichbröh drandun un immer widder jet nohschödde. Noh anderthalf Stund de jewäschene Rusinge dobeidun un noch ens en halve Stund köchele loße. Dä Brode erusnemme un wärm stelle. Jet Mähl met kahlem Wasser anröhre, met däm Essich zo ner Zaus koche un met Röbekruck sößsoor afschmecke.
***
En ech kölsche Spezialität es Soorbrode vum Päd. Dä weed jenausu jemaat, nor evvens vun Pädsfleisch, wat vun Natur us jet sößlich es. Doch leider jitt nor noch Olympia-Päd un kein Soorbrode-Päd mih.