Hallo Ehr Kölsche!
Af un an dun ich ens jän koche. Esse
dun ich allerdings noch leever. Doröm han ich för Üch und för mich he dat
Böjelche met kölsche Rezeppte zosammejestallt.
Dat sin ävver nor Vörschläch, denn ne jode Koch mät immer irjend jet anders un
besser.
Bei der kölsche „Schlechtschreibung“ han ich mich su jot et evvens jing an et
Wöderboch vum Professor Adam Wrede jehalde, nit an die neue kölsche
Rechtschreibung vun der Kölsch-Akademie, Entschuldijung, Akademie för uns
kölsche Sproch. Dä Wrede es sich allerdings och nit immer einich met sich selvs.
E paar Wöder han ich och noch beim Hönig oder beim Caspers un Reisdorf
nohjelort. Do keiner alles richtich maache kann, wäden he en däm Böjelche och
noch e paar Fähler sin.
Doch ich ben jroßzöjich: Wann Ehr ne Fähler finge doot, künnt Ehr in behalde.
Su, vill Spaß beim Lese, Koche un Esse.
Willi Piechullek
Kölsche Kochrezeppte